Kolonia Santita: Tivoli

Thursday, 28 August 2014

Tivoli

Bustani za Tivoli, katikati ya kituo kikubwa cha treni cha Hovedbanegård na kituo kikubwa cha mabasi cha Rådhuspladsen, ni bustani kubwa za michezo na mapumziko za Copenhagen. Bustani hizi ndizo zilizotumika kuwapoteza majambazi wa Kolonia Santita katika harakati za kumwokoa Daniel Yehuda wa bandia, katika Machafuko ya Sheraton jijini Copenhagen.

http://www.enockmaregesi.com

1 comment:

Unknown21 August 2014 at 03:47
Majambazi wa Kolonia Santita Regner Steiner ('Kimbunga') na Ulla Wagner ('Death Queen'); walivyokimbia wakiwa ndani ya magari mawili ya kihuni, Polisi wa Tume na wa Copenhagen waliwaona vizuri. Polisi waliingia katika magari yao kwa pupa na kuwafukuza maadui kwa nguvu zao zote, lakini maadui wakawashinda nguvu. Maadui walionekana kuwa mafundi stadi wa kuendesha magari, bila hata kujali watu na magari mengine mabarabarani. Kimbunga alijizungusha nje ya Bustani za Tivoli kwa muda mrefu na hatimaye kujikuta akiwauza kabisa polisi wa tume na polisi wa Copenhagen; lakini Ulla, aliyekimbilia upande mwingine wa Barabara ya Søgade, hakufika mbali hata hivyo. Alizingirwa, ghafla, na magari mengine ya polisi ambayo kwa kipindi kile yalikuwa yakitokea katika kituo kikuu cha polisi cha Tume ya Dunia kilichopo Århusgade.
ReplyDelete
Replies

Subscribe to: Post Comments (Atom)

Msimbo

Msimbo
Kolonia Santita
tarehe 8/7/2013
Shiling milioni moja za Kitanzania kushindaniwa ndani ya miezi sita kuanzia leo. Swali: Kila namba kati ya namba zifuatazo ina maana kubwa katika kitabu cha KOLONIA SANTITA: LAANA YA PANTHERA TIGRISI, kuanzia na jalada la mbele. Tegua (kokotoa) kitendawili cha Kolonia Santita.
Msimbo: 35 - 12 - 4 - 2 - 88
enockmaregesi@yahoo.com.
Tuma jibu lako kwa faragha kupitia anuani ya enockmaregesi@yahoo.com hapo juu.
Mshindi kupatikana tarehe 8/1/2014 – siku 184 kuanzia leo tarehe 8/7/2013.
Kila neno lililoandikwa katika jalada la mbele la KOLONIA SANTITA limeandikwa kwa umakini wa hali ya juu (mno), pamoja na nukta na nafasi miongoni mwa maneno hayo. Msimbo wa Kolonia Santita umejikita ndani ya maneno hayo na kusambaa kimantiki, kutoka katika jalada la mbele mpaka la nyuma la kitabu cha KOLONIA SANTITA. Dan Brown – mwandishi wa vitabu wa Marekani – aliwahi kutoa kitendawili kama hiki katika kitabu chake cha DIGITAL FORTRESS, lakini hiki ni tofauti (kabisa) na hakina uhusiano wowote na hicho cha Bw. Brown, kinachoitwa ‘The Digital Fortress Riddle’. Namba 35 imetoka wapi inamaanisha nini? Namba 12 imetoka wapi inamaanisha nini? Namba 4 imetoka wapi inamaanisha nini? Namba 2 imetoka wapi inamaanisha nini? Namba 88 (mbali na 88 ya alama ya Kolonia Santita ya ‘biohazard’) imetoka wapi inamaanisha nini? Kwa kutumia kanuni ya kawaida ya sayansi ya namba ya magazijuto, tafuta kanuni (‘formula’) ya Msimbo (‘code’) wa Kolonia Santita.