CALLE GANTE, CUAUHTÉMOC, DISTRITO FEDERAL, MEXICO CITY

Calle Gante (Mtaa wa Gante), Cuauhtémoc (‘kwauteimak’), Mexico City, ndipo Vijana wa Tume walipofikia kutokea Uwanja wa Ndege wa Guadalajara; wakiwa na magari makubwa matatu, SUV, ya WODEC-Intelligence, na gari la wagonjwa la Jeshi la Anga la Meksiko (FAM – ‘Fuerza Aérea Mexicana’).

Nyumba ya Vijana wa Tume (‘safe house’; miongoni mwa nyumba nne sehemu mbalimbali za Mexico City) namba 1081 – iliyokuwa na vyumba vinne vya kulala, mabafu sita, chumba cha silaha, chumba cha mazoezi, jiko, sebule, bwawa la kuogelea, na ukuta mrefu mweupe kuzunguka nyumba nzima – ilikuwa kubwa ya ghorofa mbili mali ya FAM.

Nyumba ya siri ya Vijana wa Tume ilipaswa kuwa ya siri, lakini siku ya kwanza Murphy na Mogens walipoonana na Lisa Graciano – katika Baa ya Los Leones huko San Ángel – nyumba yao iligundulika.

Lisa ndiye aliyesababisha nyumba ya Vijana wa Tume kugundulika, na gari lao kupigwa kombora, licha ya gari lake kubadili historia ya Tume ya Dunia.