Akdal Ghost

Bastola ya majambazi wa Kolonia Santita iitwayo Akdal Ghost kutoka Uturuki, yenye uwezo wa kubeba kwa wakati mmoja risasi kumi na tano katika chemba yake, iliyokamatwa na Polisi wa Tume ya Dunia huko Varsovia nchini Meksiko.

Akdal Ghost ni bastola iliyokuwa imetengwa kuwaua Vijana wa Tume John Murphy na Frederik Mogens lakini wakasaidiwa na Mtoto wa Rais Debbie Patrocinio Abrego na walinzi wake. Hata hivyo majambazi waliokuwa wametumwa kufanya kazi hiyo walikamatwa kabla hawajatekeleza jukumu lao, na kupelekwa katika Kituo Kikuu cha Polisi cha Tume ya Dunia cha Zona Rosa kwa ajili ya mashtaka. Lakini hawakushtakiwa. Walipewa msamaha, wa Programu ya Ushahidi ya Tume ya Dunia (‘WODEA Witness Protection Programme’) kwa makubaliano ya ushirikiano wa asilimia 100 katika kesi dhidi ya makamanda wa Kolonia Santita.

WWPP (‘WODEA Witness Protection Programme’) ni Programu Maalumu ya Ushahidi ya Tume ya Dunia ya kuwakinga mashahidi wa kihalifu kwa kuwapa makazi mapya, majina mapya, kazi mpya, historia mpya ya maisha, na sura mpya, kuwakinga na Sheria ya Kitalifa ya Kolonia Santita. Ukivunja Sheria ya Kitalifa ya Kiapo cha Swastika cha Kolonia Santita utauwawa, tena utauwawa kinyama, wewe na familia yako.

Kitalifa ni utiifu kamili, woga, umbali (kwa maana ya kuwa mbali na biashara ya mamafia wengine mpaka kwa makubaliano maalumu) na nidhamu ya kutoshirikiana na mamlaka zote za serikali. Ukishtakiwa kwa kosa la madawa au ujambazi ambalo hukufanya, utatumikia kifungo mpaka mwisho bila kushirikiana na polisi (kwa maana ya kutaja aliyehusika au waliohusika na uhalifu huo) hata kama aliyehusika au waliohusika hana au hawana uhusiano wowote na Kolonia Santita. Falsafa ya Kitalifa ni Sheria ya Kitalifa ya Kiapo cha Swastika cha Kolonia Santita. Adhabu ya kuvunja sheria hiyo ni kifo.