Kolonia Santita: Maserati

Thursday, 23 April 2015

Maserati

Gari la kifahari kutoka Italia la Kiongozi wa Kolonia Santita Panthera Tigrisi, linalokimbia kama upepo, Maserati Shamal (V8); lililotumika kumbeba Panthera Tigrisi kutoka katika Makao Makuu ya Kolonia Santita ya San Ángel, mpaka katika nyumba ya wageni ya Panthera Tigrisi ya Coyoacán, Mexico City.

http://www.enockmaregesi.wordpress.com

1 comment:

Unknown16 April 2015 at 18:04
Timu ya watu kumi na watano ilivyoondoka, pamoja na walinzi binafsi wa El Tigre, Gortari na Eduardo, ilitoka nje kupitia mlango wa siri mpaka yaliposimama magari sita makubwa mazuri. Eduardo na Gortari kwa pamoja walijitupa katika Lincoln Continental nyeupe na kufuatiwa na walinzi wawili wakati El Tigre akiingia katika Maserati nyeusi na walinzi sita makomandoo. Magari yote yalikuwa na uwezo wa kuzuia risasi. Chevrolet ikiwa na walinzi wawili ilianza msafara ikifuatiwa na gari za wakurugenzi na Chlysler ya bluu, iliyokuwa na walinzi wawili – waliokuwa na silaha kubwa walizozificha.

Maserati Tipo Birdcage (gari la mashindano la miaka ya 60 lililokuwa likihifadhiwa na Panthera Tigrisi na magari mengine zaidi ya 80) na Maserati Shamal, ni magari ambayo Panthera Tigrisi aliyapenda zaidi kuliko magari mengine yote. Panthera Tigrisi alikamatwa katika Bahari ya Pasifiki akitoroka kuelekea Gwatemala. Maserati Shamal haikupatikana.
ReplyDelete
Replies

Subscribe to: Post Comments (Atom)

Msimbo

Msimbo
Kolonia Santita
tarehe 8/7/2013
Shiling milioni moja za Kitanzania kushindaniwa ndani ya miezi sita kuanzia leo. Swali: Kila namba kati ya namba zifuatazo ina maana kubwa katika kitabu cha KOLONIA SANTITA: LAANA YA PANTHERA TIGRISI, kuanzia na jalada la mbele. Tegua (kokotoa) kitendawili cha Kolonia Santita.
Msimbo: 35 - 12 - 4 - 2 - 88
enockmaregesi@yahoo.com.
Tuma jibu lako kwa faragha kupitia anuani ya enockmaregesi@yahoo.com hapo juu.
Mshindi kupatikana tarehe 8/1/2014 – siku 184 kuanzia leo tarehe 8/7/2013.
Kila neno lililoandikwa katika jalada la mbele la KOLONIA SANTITA limeandikwa kwa umakini wa hali ya juu (mno), pamoja na nukta na nafasi miongoni mwa maneno hayo. Msimbo wa Kolonia Santita umejikita ndani ya maneno hayo na kusambaa kimantiki, kutoka katika jalada la mbele mpaka la nyuma la kitabu cha KOLONIA SANTITA. Dan Brown – mwandishi wa vitabu wa Marekani – aliwahi kutoa kitendawili kama hiki katika kitabu chake cha DIGITAL FORTRESS, lakini hiki ni tofauti (kabisa) na hakina uhusiano wowote na hicho cha Bw. Brown, kinachoitwa ‘The Digital Fortress Riddle’. Namba 35 imetoka wapi inamaanisha nini? Namba 12 imetoka wapi inamaanisha nini? Namba 4 imetoka wapi inamaanisha nini? Namba 2 imetoka wapi inamaanisha nini? Namba 88 (mbali na 88 ya alama ya Kolonia Santita ya ‘biohazard’) imetoka wapi inamaanisha nini? Kwa kutumia kanuni ya kawaida ya sayansi ya namba ya magazijuto, tafuta kanuni (‘formula’) ya Msimbo (‘code’) wa Kolonia Santita.