Uwanja wa Ndege wa Kimataifa
Sheremetyevo, Moscow, Urusi.John Murphy alipogunduliwa kwa mara ya kwanza na magaidi wa Kolonia Santita akiwa njiani kuelekea Smolenskaya Prospekt, Ofisi ya Tume ya Dunia ya Kudhibiti Madawa ya Kulevya jijini Moscow.
Subscribe to:
Post Comments (Atom)
Roho Yako
289. Roho yako inatoka wapi? Ya kwangu inatoka Tanzania. Kwa sababu amani na utulivu ndivyo vitu vya muhimu zaidi katika maisha yangu. ...
-
Mercury Cougar ya John Murphy aliyonunua mwaka 1990 kwa gharama kubwa huko Michigan nchini Marekani. Gari hilo lililorekebishwa kwa ajili ... -
120. Wakati mwingine tukitaka kutambulika hatuna budi kuweka mbele aibu ya heshima yetu. http://www.enockmaregesi.wordpress.com -
KITENDAWILI CHA KOLONIA SANTITA Shilingi milioni moja za Kitanzania kushindaniwa ndani ya miezi sita kuanzia leo Swali: Kila namba ...
John Murphy akiwa na hakika ya kutokutambulika kwa majambazi wa Kolonia Santita na hakika ya kutokutambulika kabla ya wenzake watatu, alipotokeza tu majilio ('arrivals') majambazi wanne wa CS-Moscow walimwona na kuanza kumfuatilia kwa kificho mpaka nje ambapo Murphy alichukua teksi ya Mbulgaria ya njano. Murphy hakuwa na hakika kama wale majambazi walikuwa wakimtaka yeye. Lakini teksi yake iliposimama Teatralny Proezd, upande wa kusini wa Hoteli ya Metropol, karibu na mojawapo ya minara ya mwanzo ya Kitey-gorod (kitivo kikuu cha biashara cha Moscow ya kale), Murphy alipata hakika kama ni yeye aliyekuwa akifuatiliwa. Magaidi waliendelea mbele (mbele ya mahali teksi ya Murphy iliposimama) na kusimama mkabala na Jumba la Maonyesho ya Tamthilia la Bolshoi, halafu wawili kati yao wakashuka na kuingia ndani ya kioski, huku wawili wakibaki ndani ya gari (Bentley) na kuchunga kila kitu alichokifanya Murphy nje ya Hoteli ya Metropol. Dakika chache baadaye, sasa akitembea kuelekea Smolenskaya Prospekt, Ofisi ya Tume ya Dunia ya Kudhibiti Madawa ya Kulevya Nchini Urusi (WODEC Moscow), Murphy alitekwa nyara na kupelekwa Yugo Zapadnaya – katika 'dacha' ya Kolonia Santita.
ReplyDeleteCS-Moscow – Tawi la Kolonia Santita nchini Urusi na nchi za Ulaya ya Mashariki kama Belarusi, Moldova na Ukraini; na baadhi ya nchi za Ulaya ya Kusini kama Masedonia, Montenegro, Uturuki na Ugiriki, linaloongozwa na mwanajeshi wa zamani wa 'Red Army' Dmitri Olegushka – ni miongoni mwa magenge hatari ya kimafia nchini Urusi.
ReplyDelete